Tabeer ur Royaتعبیر الرویا
Khwab mein Koodna dekhnay ki tabeer
خواب میں کودنا (برجستن) دیکھنے کی تعبیر
حضرت ابن سیرین رحمۃ اللہ علیہ نے فرمایا ہے کہ اگر کوئی شخص خواب میں دیکھے کہ جگہ بہ جگہ کودتا پھرتا ہے تو اس امرکی دلیل یہ ہے کہ اس کا حال پھرے گا۔ اور اگر دیکھے کہ دور کی جگہ پر کود ا ہے تو دلیل ہے کہ دور کے سفر کو جائے گا اور اگر دیکھے کہ کودتے وقت ہاتھ میں لاٹھی ہے تو اس امر کی دلیل ہے کہ اس کا اعتماد کسی قوی شخص پر ہوگا۔
حضرت ابراہیم کرمانی رحمۃ اللہ علیہ نے فرمایا ہے کہ اگر کوئی دیکھے کہ جگہ سے باہر کودا ہے تو دلیل ہے کہ وہ بد حال سے نیک حال ہوگا اور اگر دیکھے کہ جس جگہ چاہتاہے کودتاہے تو یہ اس کی قوت اور دانائی پر دلیل ہے۔
حضرت جابر مغربی رحمۃ اللہ علیہ نے فرمایا ہے کہ اگر کوئی شخص دیکھے کہ پاکیزہ جگہ سے کودا ہے تو دلیل ہے کہ خراب حال سے صلاح حال ہوگا اور اگر اس کے خلاف دیکھے تو اچھے حال سے بدحال ہوگا۔
