Khwab mein Azdaha dekhnay ki tabeer
خواب میں اژدہا (بڑا سانپ) دیکھنے کی تعبیر
حضرت ابن سیرین رحمۃ اللہ علیہ نے فرمایا ہے کہ اژدہا کا خواب میں دیکھنابڑے بھاری دشمن کا دیکھناہے جو دشمنی قوی رکھتاہے۔
اگر دیکھے کہ وہ اژدہا رکھتاہے تو دلیل ہے اس کی یہ ہے کہ بزرگوں سے ملے گا اور اگر دیکھے کہ اژدہا سے جنگ کرکے اس پر غالب آگیاہے تو دلیل ہے کہ دشمنوں سے لڑے گا اور آخر کار دشمن کو زیر کرے گا اور اگر دیکھے کہ سانپ کو مار ا اور اس کاگوشت کھایا تو اس سے اس امر کی دلیل ہے کہ وہ دشمن پر فتح پائے گا اور اس کا مال لے گا اور اس مال کو اپنے اہل وعیال کے واسطے خوب خرچ میں لاوے۔
حضرت جابر مغربی رحمۃ اللہ علیہ نے فرمایا ہے کہ اگر سانپ نے اس کو کھایا تو دلیل ہے کہ دشمن سے خوف ہوگا اور دشمن اس کو ہلاک کرے گا۔ اور اگر دیکھے کہ اژدہاکی پشت پر بیٹھا ہے اور اژدہا ااس کے تابع فرمان ہے تو اس امر کی دلیل ہے کہ بہت بڑا دشمن اس کاتابعدار ہوگا اور اس کے سب کاروبار انتظام سے ہوںگے۔
